គ្រឿងផ្សំ
- ក្រលៀនជ្រូក ១គូ
- ម្ទេសទុំ (ម្ទេសដៃនាង) ១ផ្លែ
- ពន្លក ខ្ទឹមសកន្លះដើម
 | |
| ក្រលៀនជ្រូក |
គ្រឿងផ្សំរស់ជាតិ
- ម្ទេសម៉ដ្ឋ
- ម្រេចម៉ដ្ឋ ១ចុងស្លាបព្រាកាហ្វេ
- ស្ករ ១ស្លាបព្រាកាហ្វេ
- ទឹកស៊ីអ៊ីវ និងប្រេងល្ងមួយមុខៗ ១ស្លាបព្រាកាហ្វេ
- ខ្ទឹមសម៉ដ្ឋ និងអំបិលមួយមុខៗ កន្លះស្លាបព្រាកាហ្វេ
- ទឹកខ្មេះ ក្រម៉ៅដូចទឹកស៊ីអ៊ីវ
- ម្សៅស៊ុប ១ស្លាបព្រាកាហ្វេ
- បន្លែដែលអ្នកចូលចិត្ត
វិធីចំអិន
- ហាន់ម្ទេសទុំឲ្យម៉ដ្ឋ និងលាងពន្លកខ្ទឹមសអោយស្អាត រួចហាន់ជាកង់តូចៗ ។
- ជ្រៀកក្រលៀនជ្រូកជា ២ និងឆូតយកសសៃឆ្អេះចេញ រួចដាក់ត្រាំទឹកត្រជាក់រយះពេល ២ម៉ោងរហូតបាត់ក្លិន ទើបស្រង់ចេញដោយ ឆូតជាពីលើខ្នង និងហាន់ជាបន្ទះបញ្ឆិត ។
- ដាក់ទឹកដាំអោយពុះ រួចយកក្រលៀនជ្រូកស្រុុះបន្តិច ទើបស្រង់ចេញ ។
- ដាក់ខ្លាញ់១ស្លាបព្រាបាយចូលក្នុងខ្ទះ រង់ចាំខ្ទះក្តៅហុយផ្សែងចាក់ ខ្ទឹមម៉ដ្ឋ ខ្ទឹមស និងម្ទេស រួចឆាត្រឡប់ចុះឡើងរហូតដល់មានក្លិនឈ្ងុយ ទើបដាក់ក្រលៀនជ្រូកចូលឆា ហើយចុងបញ្ចប់ចាក់គ្រឿងផ្សំរស់ជាតិចូល និងបន្លែ ទុកចាំដល់ពុះរួចដួសដាក់ចាន ។
ឆាក្តៅក្រលៀនជ្រូក
No comments:
Post a Comment