សាច់ក្រកពោះវៀនខ្ចីជ្រូក
គ្រឿងផ្សំ
- សាច់ជាប់ខ្លាញ់ ១គីឡូក្រាម
- ពោះវៀនខ្ចី ១គីឡូក្រាម
- បាយដំណើបចំហុយ ១ចាន
- មើមខ្ទឹម ៧-១០ មើម
- អំបិលម៉ត់
ទាញពន្លាពោះវៀន រលាតាមបណ្តាយ ដោយយកស្លាបព្រារឹតវាអោយតំប៉ែត ញីអំបិលមួយស្លាបព្រាបាយ ហើយលាងទឹក ដោយបង្ហូរទឹក អោយហូរកាត់ ពោះវៀននោះរហូតដល់ស្អាត ទើបច្បួតទឹកចេញអោយអស់ម្តងទៀត ។
វិធីធ្វើ
- លាងសាច់អោយស្អាត រួចហាន់ស្តើងៗ យកទៅកិនជាមួយនឹង មើមខ្ទឹម អំបិលអោយម៉ត់ ។
- លាងអង្ករដំណើបអោយស្អាត ហើយយកទៅចំហុយអោយឆ្អិន បុកអោយល្អិត ហើយយកមកច្របល់ជាមួយសាច់កិន ។
- យកសាច់ ដែលច្របល់សព្វហើយនោះ មកញាត់បញ្ចូលក្នុងពោះវៀនខ្ចី តែកុំអោយណែនពេក បន្ទាប់មកចងវាជាកង់ៗ ប្រវែង៣ឆ្នាប់ យកទៅសំដិលថ្ងៃ ១ថ្ងៃ បើចង់ជូរបន្តិចទុក២ថ្ងៃក៏បាន ។
- ក្រោយមកយកទៅចៀន ឬបំពង ឬអាំងដោយភ្លើងតិចៗ ទទួលទានជាមួយ នឹង ម្ទេសខ្ខី មើមខ្ទឹម និងខ្ញីខ្ចីៗ ។
No comments:
Post a Comment