ផ្សិតខ្មៅ ឆាស៊ីអ៊ីវ

គ្រឿងផ្សំ

ផ្សិតខ្មៅ (ផ្សិតចិន) ២០ផ្សិត
ស្ករស ៣ស្លាបព្រាបាយ
ទឹកស៊ីអ៊ីវ ៣/៤ពែង ទឹកត្រាំផ្សិតខ្មៅ ១ពែង
ប្រេងឆា ២ពែង

វិធីធ្វើ

ជ្រើសយកផ្សិតខ្មៅធំៗ ត្រាំទឹកទុកចោលមួយយប់ ច្របាច់ទឹកចេញ ទុកអោយស្រស់ទឹក ។
ដាក់ប្រេងឆា ដែលបំពងចេញខ្លះ ទុកអោយនៅសល់ជាប់ខ្ទះ ប្រមាណ២ស្លាបព្រាបាយ
ផ្សំរសជាតិដោយទឹកស៊ីអ៊ីវ ស្ករស ទឹកត្រាំផ្សិត ។ឆារហូតដល់ស្ងួតទឹក អោយរសជាតិចូលក្នុងសាច់ផ្សិតល្អ ស្រួលបួល ជាការស្រេច ។

ការីខៀវ

គ្រឿងផ្សំ

សាច់គោ ២ខាំ (លោកអ្នកអាចធ្វើជាមួយសាច់អ្វី ក៏បានតាមការចូលចិត្ត)
គ្រឿងការីខៀវ ៥០ក្រាម
ត្រប់ពុតញង ៣ក្រាម
ជីនាងវង ២មែក
ម្ទេសហាវៃ ២ក្រាម
ម្ទេសប្លោកទុំ ២ផ្លែ
ម្ទេសហិរ ៥គ្រាប់
ស្លឹកក្រូចសើច ៥សន្លឹក
ទឹកត្រី ២ស្លាបព្រាកាហ្វេ
អំបិល ១ស្លាបព្រាកាហ្វេ
ស្ករស ៣ស្លាបព្រាកាហ្វេ
ម្រេច ១ស្លាបព្រាកាហ្វេ
ខ្ទះដូង កន្លះកូនចាន ,

វិធីធ្វើ

សាច់គោលាងទឹក រួចហាន់ជាចំណិតស្តើងៗ , ម្ទេសហាវៃ និងម្ទេសប្លោកទុំ លាងទឹករួចហាន់ជាចំណិតៗ, ស្លឹកក្រូចសើច និងត្រប់ពុតញង លាងទឹកអោយស្អាតទុកមួយអន្លើ
ដាក់ខ្ទះលើភ្លើងអោយក្តៅ រួចចាក់ខ្ទិះដូងចូល - ចាក់គ្រឿងការីចូលគ្នា ឆាអោយឡើងឈ្ងុញ ទុករយៈពេល ២នាទី - ដាក់សាច់ចូល ហើយឆាចូលច្របល់ជាមួយគ្រឿងការី
ចាក់បន្លែ ដូចជាត្រប់ពុតញង ស្លឹកក្រូចសើច ម្ទេសខៀវ និងម្ទេសប្លោកក្រហមដែលបានហាន់រួចឆា ច្របល់ចូលគ្នា
ចាក់គ្រឿងផ្សំរសជាតិចូល ឆាច្របល់ចូលគ្នា ទុករយៈពេល ១០នាទី ទើបដាក់ចុះជាការស្រេច ។

ភ្លៅមាន់បំពង

គ្រឿងផ្សំ

ពងមាន់ ឬពងទា(គោះយកតែពងស)
ភ្លៅមាន់២ភ្លៅ និងល្ងស ១ពែង
ខ្ញី១ដុំតូច និងស្រា ១ស្លាបព្រាកាហ្វេ
ម្រេចម៉ដ្ឋ ១/៤ស្លាបព្រាកាហ្វេ និងអំបិល ១/២ស្លាបព្រាកាហ្វេ, ម្សៅស៊ុប ១/២ស្លាបព្រាកាហ្វេ និងម្សៅឆា ៣ស្លាបព្រាបាយ

វិធីធ្វើ

ភ្លៅមាន់ត្រូវភ្លឿយយកឆ្អឹងចេញ ហើយភ្លៅមាន់នីមួយៗ ត្រូវកាប់ជា ៤ដុំ ខ្ញីត្រូវហាន់ជាបន្ទះស្តើងៗ
ដុំភ្លៅមាន់ត្រូវចាក់ចូលចាន ដោយលាយជាមួយនិងខ្ញី , ស្រា, អំបិល ,ម្សៅស៊ុប, ម្រេចម៉ដ្ឋ និងម្សៅឆា ដោយច្របល់ប្រឡាក់អោយចូលជាតិ និងផ្អាប់ទុក កន្លះម៉ោង ទើបស្រង់ខ្ញីចេញ
ដុំភ្លៅមាន់ដែលប្រឡាក់គ្រឿងចូលហើយ ត្រូវផ្តិតនឹងទឹកពងមាន់ ឬទា ស បន្ទាប់មកត្រូវរោយល្ងសពីលើ អោយសព្វសាច់
ចាក់ខ្លាញ់ ឬប្រេងឆាក្នុងខ្ទះ (បរិមាណគឺត្រូវប៉ាន់ស្មាន ពេលបំពងត្រូវអោយលិចសាច់) រង់ចាំខ្លាញ់ក្តៅហ៊ុយផ្សែង រួចចាក់ដុំភ្លៅមាន់ចូល ទៅបំពងរហូតទាល់តែឆ្អិនឡើងពណ៌ពងកន្លាត ទើបស្រង់ចេញ

មីឆាពងទា ប្រហិត

គ្រឿងផ្សំ

មីកញ្ចប់ ១កញ្ចប់
ប្រហិត 5គ្រាប់
ស៊ុតមាន់ឬទា ១គ្រាប់
ប្រេងឆា ១ស្លាបព្រាបាយ
ដើមខាត់ណា ហាន់បញ្ឆិតៗ ២ដើម
ការ៉ុតហាន់ស្តើងវែងៗ ១/៤ពែង
សាច់ក្រកហាន់បញ្ឆិតៗ ២ដុំ
ទឹកម្ទេស ១ស្លាបព្រាបាយ
ទឹកស៊ីអ៊ីវ ១/២ស្លាបព្រាបាយ

វិធីធ្វើ

ស្រុសមីអោយឆ្អិន ស្រង់ឡើងអោយស្រស់ទឹក
គោះស៊ុតមាន់ឬទា ដាក់ចានផ្សំទឹកស៊ីអ៊ីវ ទឹកម្ទេស វាយអោយចូលគ្នាអោយសព្វ
ដាក់ដើមខាត់ណា ការ៉ុត សាច់ក្រក រួចដាក់មីចូលទៅ កូរចូលគ្នាអោយសព្វម្តងទៀត
ដាក់ខ្ទះលើភ្លើង ចាក់ប្រេងឆាចូលអោយក្តៅ ឆាអោយលឿងទាំងសងខាង ដួសឡើង រោយម្រេច រោយជីវ៉ាន់ស៊ុយ (បើចូលចិត្ត)ទទួលទានទាន់ក្តៅៗ ៕

បង្កងអាំង

គ្រឿងផ្សំ

បង្កងស្រស់ ៥០០ក្រាម
ម្ទេសខ្មាំង ២ស្លាបព្រាបាយ
ខ្ទឹមស ១ស្លាបព្រាបាយ
ស្ករត្នោត ១ស្លាបព្រាកាហ្វេ
អំបិលម៉ត់ ១ស្លាបព្រាកាហ្វេ
ទឹកក្រូចឆ្មារ ២ស្លាបព្រាបាយ។

វិធីធ្វើ

លាងបង្កងអោយស្អាត ដោតជាមួយឈើចុងស្រួច អាំងអោយឆ្អិនល្មម ទុកមួយអន្លើ
ធ្វើទឹកជ្រលក់ ដោយយកម្ទេសខ្មាំង នឹងខ្ទឹមស បុកលាយគ្នាអោយម៉ត់ បន្ទាប់មក ផ្សំរសជាតិ ដោយស្ករត្នោត អំបិលម៉ត់ និងទឹកក្រូចឆ្មារ ភ្លក្សមើលអោយត្រូវមាត់ ជាការស្រេច ។

មាន់អាំង

គ្រឿងផ្សំ

មាន់មួយក្បាល
ម្ទេស
អំបិល
ក្រូចឆ្មារ
ទឹកត្រី

វិធីធ្វើ

១- មាន់បោចរោមអោយស្អាត១ក្បាល , អំបិលម៉ត់ ១ស្លាបព្រាបាយ
២- កាត់ក្បាល ក្រញុំាជើង លាងទឹកអោយស្អាត ។
៣- ក្រោយពេលចូលជាតិ សព្វមក ឆ្កាងទទឹងខ្លួន ដាក់អាំងលើភ្លើងតិចៗ រហូតដល់ឆ្អិន ឡើងពណ៌ក្រហម ក្រៀមល្អ ហើយទទួលទាន ជាមួយទឹកជ្រលក់ ។

របៀបធ្វើទឹកជ្រលក់
១- ម្ទេសបុក ១ស្លាបព្រាកាហ្វេ ទឹកត្រី ១ស្លាបព្រាបាយ ទឹកក្រូចឆ្មារ ១ ស្លាបព្រាបាយ
២- លាយគ្រឿងទាំងអស់ចូលគ្នាជាការស្រេច ។

ឆាក្រពះជ្រូកស្ពៃជ្រក់

វិធីចំអិន

Steven Rice July 20, 2017 0

ឆាក្រពះជ្រូកស្ពៃជ្រក់

គ្រឿងផ្សំ

ស្ពៃជ្រក់ ១ខាំ
ក្រពះជ្រូក ២ខាំ
ថ្លើមជ្រូក ១ខាំ
ម្ទេសដៃនាង ហាន់បញ្ផិតៗ ១គ្រាប់
ឃិនឆាយ ហាន់កង់ៗ ១ដើម
ម្យៅឆា ១ស្លាបព្រាបាយ
ប្រេងឆា ២ស្លាបព្រាបាយ
ប្រេងខ្យង ១ស្លាបព្រាបាយ
ស្រាចិន កន្លះស្លាបព្រា
ទឹកស៊ុប ៣ស្លាបព្រាបាយ ។

វិធីធ្វើ

យកស្ពៅជ្រក់មកហាន់ចំណិតតូចៗ ចំណែកក្រពះជ្រូក ថ្លើមជ្រូក យកទៅស្រុសទឹកក្តៅអោយឆ្អិន ស្រង់ឡើងដាក់លើកញ្រ្ផែងអោយស្រស់ទឹក ហាន់ជាចំណិតតូចៗ ទុកមួយអន្លើ ។
ដាក់ខ្ទះលើភ្លើងអោយក្តៅល្មម រួចចាក់ប្រេងឆា ចូលយកស្ពៃជ្រក់ ថ្លើមជ្រូក មកដាក់ចូល ឆាត្រឡប់មួយសន្ទុះ ទើបដាក់ប្រេងខ្យង ស្រាចិន និងទឹកស៊ុប ។
ដាក់ដើមខ្ទឹម ឃិនឆាយ ម្ទេសដៃនាង ចូល ។
យកម្យៅឆា មកកួររំលាយក្នុងទឹក រួចចាក់ចូលខ្ទះឆាមួយសន្ទះ លើកឡើងរួចទទួលទាន ។

សាច់ក្រកពោះវៀនខ្ចីជ្រូក

វិធីចំអិន

Steven Rice July 20, 2017 0

សាច់ក្រកពោះវៀនខ្ចីជ្រូក

គ្រឿងផ្សំ

សាច់ជាប់ខ្លាញ់ ១គីឡូក្រាម
ពោះវៀនខ្ចី ១គីឡូក្រាម
បាយដំណើបចំហុយ ១ចាន
មើមខ្ទឹម ៧-១០ មើម
អំបិលម៉ត់

វិធីធ្វើពោះវៀនជ្រូក
ទាញពន្លាពោះវៀន រលាតាមបណ្តាយ ដោយយកស្លាបព្រារឹតវាអោយតំប៉ែត ញីអំបិលមួយស្លាបព្រាបាយ ហើយលាងទឹក ដោយបង្ហូរទឹក អោយហូរកាត់ ពោះវៀននោះរហូតដល់ស្អាត ទើបច្បួតទឹកចេញអោយអស់ម្តងទៀត ។

វិធីធ្វើ

លាងសាច់អោយស្អាត រួចហាន់ស្តើងៗ យកទៅកិនជាមួយនឹង មើមខ្ទឹម អំបិលអោយម៉ត់ ។
លាងអង្ករដំណើបអោយស្អាត ហើយយកទៅចំហុយអោយឆ្អិន បុកអោយល្អិត ហើយយកមកច្របល់ជាមួយសាច់កិន ។
យកសាច់ ដែលច្របល់សព្វហើយនោះ មកញាត់បញ្ចូលក្នុងពោះវៀនខ្ចី តែកុំអោយណែនពេក បន្ទាប់មកចងវាជាកង់ៗ ប្រវែង៣ឆ្នាប់ យកទៅសំដិលថ្ងៃ ១ថ្ងៃ បើចង់ជូរបន្តិចទុក២ថ្ងៃក៏បាន ។
ក្រោយមកយកទៅចៀន ឬបំពង ឬអាំងដោយភ្លើងតិចៗ ទទួលទានជាមួយ នឹង ម្ទេសខ្ខី មើមខ្ទឹម និងខ្ញីខ្ចីៗ ។

មាន់ដុតពិសេស

វិធីចំអិន

Steven Rice July 15, 2017 0

មាន់ដុតពិសេស

គ្រឿងផ្សំ

មាន់ជំទង់ ១ក្បាល
ក្រូចពោធិសាត់ ១ផ្លែ
អំបិលម៉ដ្ឋ ១ស្លាបព្រាបាយ
ឬសជីវ់ាន់ស៊ុយ
ម្រេច
ខ្ទឹមស បុកចូលគ្នា១ស្លាបព្រាបាយ
ទឹកស៊ីអ៊ីវ ៣ស្លាបព្រាបាយ ,
ស្រាបៀរ ឬស្រា ១/២ពែង
ត្រកួន ឬស្ពៃក្តោប

វិធីធ្វើ

លាងមាន់ទាំងមូលអោយស្អាត ទាំងក្នុងនិងក្រៅ ហើយយកក្រូចពោធិសាត់ ពុះជាពីរ ចំហៀង ជូតត្រដុសមាន់អោយសព្វ ដើម្បីបំបាត់ក្លិនឆ្អាប ។
លាបអំបិលម៉ដ្ឋ អោយសព្វខ្លួនមាន់ មួយលើកទៀត
ផ្សំឬសជីវាន់ស៊ុយ ខ្ទឹមស ម្រេច ដែលបុកទុកស្រេច ជាមួយទឹកស៊ីអ៊ីវ និងស្រាបៀរ ឬស្រា លាបអោយពេញខ្លួនមាន់ ផ្អាប់ទុកយ៉ាងតិច២ម៉ោង ។
ដាក់មាន់ដុត ក្នុងឆ្នាំង ឬអាំងលើភ្លើង និងដាក់ត្រកួន ឬស្ពៃក្តោប រួចដល់ឆ្អិន អោយស្បែកឡើងពណ៌លឿងស្រួយ ៕

គ្រឿងផ្សំទឹកជ្រលក់:

ម្ទេសដៃនាង ក្រហម ៤គ្រាប់
ម្ទេសខ្មាំង ១០គ្រាប់
ខ្ទឹមស ៣កំពឹស
អំបិល ១/២ស្លាបព្រាកាហ្វេ
ប៊ីចេង ១/៤ស្លាបព្រាកាហ្វេ
ទឹកខ្មេះ ឬទឹក្រូចឆ្មារ ១/២ពែង
ស្ករស ១ស្លាបព្រាកាហ្វេ ។

វិធីធ្វើទឹកជ្រលក់ :
១- ម្ទេសដៃនាងក្រហម ឆ្កឹះយកគ្រាប់ចេញ អោយអស់ ហាន់ជាចំណិត ហើយបុកលាយជាមួយម្ទេសខ្មាំង ខ្ទឹមស អំបិល ។
២- ថែមទឹកខ្មេះ ប៊ីចេង និងស្ករស ភ្លក្សមើលអោយល្មម ជូរ ផ្អែម ប្រៃ តាមចំណូលចិត្ត ជាការស្រេច ៕

អណ្តាតជ្រូក ឆាម្រេច

វិធីចំអិន

Steven Rice July 15, 2017 0

អណ្តាតជ្រូក ឆាម្រេច

គ្រឿងផ្សំ

អណ្តាតជ្រូក ១
ខ្ទឹមស ចញ្រ្ចាំ ២ស្លាបព្រាបាយ
ម្រេចម៉ដ្ឋ ១ស្លាបព្រាកាហ្វេ
អំបិលម៉ដ្ឋ ១ស្លាបព្រាកាហ្វេ
ប៊ីចេង
ទឹក កន្លះពែង
ប្រេងឆា ឬខ្លាញ់ ១-២ ស្លាបព្រាបាយ

វិធីចំអិន

លាងអណ្តាតជ្រូកនិងគ្រឿងទេសអោយបានស្អាត
ហាន់អណ្តាតជ្រូកជាបន្ទះស្តើងៗ
ដាក់ប្រេងឆាក្នុងខ្ទះ ដុតភ្លើងអោយក្តៅ ដាក់ខ្ទឹមស បំពងអោយឈ្ងុយ ផ្សំរសជាតិ ម្រេច អំបិល ប៊ីចេង កូរអោយចូលគ្នា ដាក់អណ្តាតជ្រូក ឆាអោយសព្វ ដួសដាក់ចាន ទទួលទាននៅក្តៅៗ ៕

ភ្លាត្រីអណ្តែង

វិធីចំអិន

Steven Rice July 15, 2017 0

ភ្លាត្រីអណ្តែង

គ្រឿងផ្សំ

ស្លឹកខ្ទឹម
ស្លឹកក្រូចសើច
ជីអង្កាម ក្រូចឆ្មារ
ទឹកត្រី
រំដេង
ខ្ទឹមក្រហម
អង្ករលីង
ត្រីអណ្តែង១ក្បាល ៣០០ក្រាម
ដើមខ្ទឹមហាន៉ទទឹងស្តើងៗ ២ដើម
ខ្ទឹមក្រហមហាន់ទទឹងស្តើងៗ ១ស្លាបព្រាបាយ
រំដេងហាន់ល្អិត ១ស្លាបព្រាកាហ្វេ
ស្លឹកជីអង្កាម ១/២ចានចង្កឹះ
ស្លឹកក្រូចសើចហាន់ល្អិត ២ស្លាបព្រាកាហ្វេ
អង្ករលីងបុកអោយល្អិត ២ស្លាបព្រាបាយ
ម្ទេសម៉ដ្ឋ ១ស្លាបព្រាកាហ្វេ
ទឹកត្រី ២ស្លាបព្រាបាយ
ទឹកក្រូចឆ្មារ ២-៣ស្លាបព្រាបាយ

វិធីធ្វើ

កោសរំអិលត្រី រួចវះពោះលាងអោយស្អាត យកទៅអាំងអោយឆ្អិនល្មម ហើយបេះយកឆ្អឹងចេញរួចចញ្រ្ចាំងតិចៗ
ប្រឡាក់សាច់ត្រី ដែលរួមនេះជាមួយ អង្ករលីង ម្ទេសម៉ដ្ឋ រំដេង ដើមខ្ទឹម និងស្លឹកក្រូចសើច
ថែមទឹកត្រី ទឹកក្រូចឆ្មារ ហើយរោយស្លឹកជីអង្កាម ភ្លក្សអោយល្មមតាមត្រូវការ ទទួលទានជាមួយនឹងអន្ទក់ខ្ចី ដូចជាស្ពៃក្តោប សណ្តែកកួរ និងស្លឹកជីនាងវង ។

Ads by Google

Hot

Ads by google

ផ្សិត​ខ្មៅ​ ឆា​ស៊ី​អ៊ី​វ​

គ្រឿងផ្សំ

វិធីធ្វើ

ការី​ខៀវ​

គ្រឿងផ្សំ

វិធីធ្វើ

ភ្លៅមាន់បំពង

គ្រឿងផ្សំ

វិធីធ្វើ

​មីឆា​ពង​ទា ប្រហិត​

គ្រឿងផ្សំ

វិធីធ្វើ

បង្កងអាំង

គ្រឿងផ្សំ

វិធីធ្វើ

មាន់អាំង

មាន់អាំង

គ្រឿងផ្សំ

វិធីធ្វើ

ឆាក្រពះជ្រូកស្ពៃជ្រក់

គ្រឿងផ្សំ

វិធីធ្វើ

សាច់ក្រកពោះវៀនខ្ចីជ្រូក

គ្រឿងផ្សំ

វិធីធ្វើ

មាន់ដុតពិសេស

មាន់ដុតពិសេស

គ្រឿងផ្សំ

អណ្តាតជ្រូក ឆាម្រេច

គ្រឿងផ្សំ

ភ្លាត្រីអណ្តែង

ភ្លាត្រីអណ្តែង

Author Details

Google Ads

Ads by Facebook

Recent

Popular

Comments

Archive

Sponsor

Labels

About Us

Contact Form

ផ្សិតខ្មៅ ឆាស៊ីអ៊ីវ

ការីខៀវ

មីឆាពងទា ប្រហិត